کوئٹہ(سپورٹس لیکس) بلوچستان کے درالحکومت کوئٹہ میں جاری فٹسال نیشنل کپ فیز II اختتام پذیر ہوگیا۔ ہزارہ کوئٹہ ایف سی نے مینز فائنل میں گریٹ ہزارہ ایف سی کو 2-1 سے شکست دے کر قومی فٹسال کپ فیز-II جیت لیا۔
جبکہ تیسری چوتھی پوزیشن کے میچ میں بلوچستان ایجوکیشن بورڈ نے بوئٹمز ایف سی کو 5-1 سے ہرا کر تیسری پوزیشن حاصل کی۔
ویمنز کا فائنل ہزارہ کوئٹہ اکیڈمی نے جیت لیا جس نے ہزارہ کلب کو 3-0 سے مات دی۔ تیسری پوزیشن بلوچستان ویمن اکیڈمی نے حاصل کی جس نے ہزارہ یونائیٹڈ کو 2-1 سے شکست دی۔
