کرکٹ ٹیم کی بُری کارکردگی کا معاملہ قائمہ کمیٹی برائے سپورٹس میں اٹھانے کامطالبہ

اسلام آباد(سپورٹس رپورٹر) ایشیاء کپ کے بعد سات ٹی ٹوئنٹی میچوں پر مشتمل ہوم سیریز میں قومی کرکٹ ٹیم کو بُری ترین شکست کا معاملہ پاکستان تحریک انصاف کے سینیٹر فیصل جاوید خان نے پاک کرکٹ ٹیم کی خراب کارکردگی کا معاملہ سینیٹ میں اٹھا دیاہے۔


سینیٹر فیصل جاوید نےکہا کہ پاکستان کرکٹ ٹیم کی حالیہ کارکردگی انتہائی مایوس کن ہے۔ شکایتیں ہیں کہ کرکٹ ٹیم کی سلیکشن میں میرٹ کی دھیجیاں اڑائی گئیں۔ آگے ورلڈ کپ آنے والا ہے اور گزشتہ کئی سیریز ٹیم ہار چکی ہے۔

سینیٹر فیصل جاوید نےمزید کہا کہ معاملہ کمیٹی میں بھیجا جائے اس پر بحث اور جائزہ ضروری ہے۔ ڈپٹی چئیرمین سینیٹ مرزا آفریدی نے معاملہ متعلقہ کمیٹی کے سپرد کردیا۔

اپنا تبصرہ بھیجیں